ASKOFU GWAJIMA- MAASKOFU MBALIMBALI KUTINGA KWA IGP KUMWOMBEA MSAMAHA ASKOFU GWAJIMA,LAKINI SHERIA INABANA TUIACHE SHERIA ICHUKUE MKONDO WAKE

 MAASKOFU WAKIINGIA UKUMBINI KWA AJILI YA KUTOA TAARIFA YA KUMWOMBEA MSAMAHA ASKOFU GWAJIMA

 MAASKOFU wa makanisa mbalimbali ya Kipentekoste nchini wamesema wanatarajia kwenda kwa Mkuu wa Jeshi la Polisi Nchini, IGP Ernest Mangu ili kulimaliza sakata la Askofu Josephat Gwajima, kwani kuliendeleza ni kuleta mpasuko wa kidini katika jamii.


Akizungumza na waandishi wa habari jana jijini Dar es Salaam, Katibu wa Maaskofu hao, Askofu Dk. Damas Mukassa alisema hakuna sababu ya jambo hilo kukuzwa, kwani mhusika amemsamehe Askofu Gwajima.

Dk. Mukassa alisema ni vema Serikali na vyombo vya usalama vikatumia weledi katika kushughulikia mambo ya kidini na viongozi, kwani yanaweza kusababisha chuki baina yao.

"Tunaomba Serikali isaidie kuondoa mkanganyiko huu, na busara itumike ili kuepusha uvunjifu wa amani katika jamii," alisema Mukassa.