JESHI LA POLISI LINA WAKATI MGUMU KWA SASA NI LAZIMA VIONGOZI WETU WAJADILI MATATIZO YA UGOMVI KATI YA POLISI NA RAIA

Polisi wawili wauawa Ngara

IGP Said Mwema.

Kwa ufupi

“Wananchi walimvamia yule askari aliyebaki pale gereji na kuanza kumkata kwa mapanga na kumpiga mawe hadi akafariki dunia,” alisema.

0
inShare

WANANCHI wa Kata ya Mugoma, Wilaya ya Ngara mkoani Kagera wamewaua askari polisi wawili na kuchoma moto Kituo cha Polisi Mugoma kwa madai kuwa polisi hao wamemuua kwa kumpiga risasi mwananchi mwenzao bila hatia.

Tukio hilo la lilitokea jana mchana wilayani humo na kuthibitishwa na Kamanda wa Polisi Mkoa wa Kagera, Philip Kalangi.

Akizungumza wakati akielekea eneo la tukio, Kamanda Kalangi alisema: “Tukio limetokea Kijiji cha Mugoma, sina details (maelezo ya kina), kwa sababu ndiyo nakwenda huko, ila nikifika ndipo nitajua nini kimetokea, nitatoa maelezo kwa kina.”

Habari zilizorushwa na Idhaa ya Kiswahili ya Shirika la Utangazaji Uingereza (BBC), jana jioni zilieleza kuwa askari polisi waliouawa ni Koplo Pascal na Konstebo Alex wa Kikosi cha Usalama Barabarani wilayani Ngara.

Katika taarifa hiyo ya BBC, Mkuu wa Wilaya ya Ngara, Costa Kanyasu naye alithibitisha vifo vya askari hao na kueleza kuwa wanaendelea kufanya uchunguzi kujua ukweli wa tukio hilo, ikiwa ni pamoja na kujua kama askari hao ndiyo walimpiga risasi mwananchi huyo.

Ilidaiwa kuwa polisi hao walifika katika Kijiji cha Mugoma kwa lengo la kukagua pikipiki mbovu na zisizokuwa na usajili.

Walipokuwa katika ukaguzi huo walifika katika gereji moja na kukuta mmiliki wake akitengeneza pikipiki, wakamtaka aipeleke kituoni kwa maelezo kuwa ilikuwa mbovu.

Ilidaiwa kuwa fundi huyo aligoma kutekeleza amri hiyo na katika ubishi, polisi mmoja alimpiga risasi na kufariki dunia papohapo.
Kitendo hicho kiliamsha hasira kwa wananchi waliokuwa jirani na eneo hilo ambao walianza kujikusanya katika eneo la tukio.

Mmoja wa watu mashuhuda wa tukio hilo, Mwandishi wa Habari wa Redio Kwizera iliyopo wilayani Ngara, Joyce Ngalawa alisema kuona hivyo, polisi anayedaiwa kufyatua risasi alikimbia na kujificha katika nyumba iliyopo jirani na gereji hiyo, huku akimwacha mwenzake.

“Wananchi walimvamia yule askari aliyebaki pale gereji na kuanza kumkata kwa mapanga na kumpiga mawe hadi akafariki dunia,” alisema.

Alisema baada ya mauaji hayo, wananchi hao walikwenda katika nyumba aliyokuwa amejificha askari wa pili na kutishia kuichoma moto iwapo angegoma kutoka.

“Mmiliki wa nyumba ile baada ya kuona wananchi hao wanataka kuichoma moto nyumba yake, alimtaka askari huyo atoke nje. Alipotoka tu, wananchi walimvamia na kuanza kumpiga mawe na kumuua,” alisema.

 

 

• Login
• About Disqus

 

Sharing this page …

Thanks! Close

Showing 4 comments

• 
  Hamadi Marwa 1 comment collapsed CollapseExpand
  Askari waache ubabe wa kutoa hukumu ya kifo na kuitekeleza kwa raia wasio na hatia. Polisi wanatakiwa kufanya kazi kisayansi zaidi na ndio maana taaluma ya saikolojia na sosholojia ni ya muhimu sana kwa walinzi hawa wa usalama wa raia na mali zao. Kazi kwako IGP maana wananchi sasa wamechoka na watu waliochoka hawana subira sijui mahakama au utwala wa sheria!!!!!
   
   

• 
  Lupaya 1 comment collapsed CollapseExpand
  I weje iwe haki kwa wananchi kuuawa na polisi na i we haramu kwa wao polisi kufanyiwa hivo hivo na wananchi? Mie nasema dawa ya moto ni moto, na kumwogopa mwonezi kunamwongezea nguvu ya kukuonea. Wananchi hawana njia nyingine sasa. Kama ni uvumilivu wamevumilia mengi na kwa muda mrefu     
  • 0 Like
   

• 
  Kadogoo 1 comment collapsed CollapseExpand
  Kila wananchi wakiua mtu wanapewa jina la "wenye hasira kali". Nadhani waandishi wa habari wanachochea tabia hii. Habari hiyo hiyo inalaani wananchi "kujichukulia sheria mkononi" na hiyo hiyo inawalinda "wenye hasira kali". Tujifunze kupamba matukio.

      
  • 0 Like

• semakweli2012 1 comment collapsed CollapseExpand

  Mimi ninavyoona kuna mapungufu makubwa katika uteuzi, mafunzo na hata usimamizi mzima katika jeshi la polisi. Sasa jeshi la polisi halina tofauti na majambazi, ukimuona polisi anakuja unalazimika kukimbia hata kama huna kosa manaa akikufika anaweza tu kuamua kukupiga risasi na isiwe chochote, bosi wake akatoa maelezo ilikuwa bahati mbaya.
  Hichi kipindi cha karibuni tumeshuhudia mauaji ya watu mbali mbali yanayofanywa na polisi wakiwemo waandishi wa habari, raia wa kawaida, wafuasi wa vyama vya upinzani na sasa hata kwa wajasiriamali (fundi gereji).
  Kama wanavyotumia wenyewe hiyo waliofanya wananchi ni kujihami (Self Defence), wewe polisi kwa jeuri unampiga risasi raia kwa sababu tu kakataa amri yako.
  Kwa kweli tunahitaji mabadiliko makubwa katika jeshi letu la polisi kuanzia juu mpaka chini ili lirejeshe imani na hadhi yake kwa jamii.